فوتو: ۇلتتىق پارك
ۇلتتىق پاركتە ساڭىراۋقۇلاق ماۋسىمى جازدىڭ ورتاسىنان باستالىپ, كۇزدىڭ ورتاسىنا دەيىن جالعاسادى. بيىل جاڭبىر كوپ جاۋعانىنا بايلانىستى ورمانداردا ساڭىراۋقۇلاقتار كوپ شىقتى.
تابيعي پاركتە جەۋگە جارامدى ساڭىراۋقۇلاقتار وتە كوپ: اق ءتۇستى ساڭىراۋقۇلاق, قايىڭ ساڭىراۋقۇلاق, تەرەكقۇلاق, قىزىل ساڭىراۋقۇلاق, مايقۇلاق, مۇكقۇلاق, تومارقۇلاق, سازقاتپا, ارىش, قوزىقۇيرىق. بۇل ساڭىراۋقۇلاقتار ەرەكشە سۇرانىسقا يە.
ساڭىراۋقۇلاقتاردا اقۋىزدار, مايلار, ءتۇرلى مينەرالدى تۇزدار مەن فوسفور قىشقىلى, سونداي-اق ا, ۆ1, ۆ2, س, D, PP1 دارۋمەندەرىنە باي.
ساڭىراۋقۇلاق جيناۋدىڭ نەگىزگى قاعيدالارى:
• كيىم جىلى, ىڭعايلى جانە جەڭىل بولۋى كەرەك. باسىڭىز بەن دەنەڭىزدىڭ بارلىق بولىكتەرى جابىق بولۋى قاجەت, بۇل جاندىكتەردەن, سونىڭ ىشىندە كەنەلەردەن قورعايدى.
• ساڭىراۋقۇلاق تەرۋشى ساڭىراۋقۇلاقتاردىڭ ۋلى تۇرلەرى سەبەتكە تۇسپەۋى ءۇشىن وتە مۇقيات بولۋى كەرەك. ەگەر جەۋگە جارامدى ەكەنىنە سەنىمدى بولماساڭىز, ساڭىراۋقۇلاقتى الماڭىز.
• جيناۋ كەزىندە جالعىز تۇرعان ساڭىراۋقۇلاقتاردى تۇبىنەن بۇراپ الىڭىز. ەگەر ساڭىراۋقۇلاقتار توپتاسىپ وسسە, ولاردى كەسىڭىز.
• ورمانعا كىرگەندە ساڭىراۋقۇلاقتاردىڭ ءوسۋ ورنىنا زيان كەلتىرمەۋ ءۇشىن تاياق قولدانىڭىز. ساڭىراۋقۇلاقتاردىڭ ءوسۋ ورنىن بۇزۋعا بولمايدى.
• ەگەر ساڭىراۋقۇلاق جيناۋ تاجىريبەڭىز از بولسا نەمەسە العاش رەت جيناپ جاتساڭىز, تاجىريبەلى ساڭىراۋقۇلاق جيناۋشىمەن بىرگە بارعان ءجون. ول ءسىزدى ورمانداعى قاتەلىكتەردەن ساقتاپ, جينالعان ءونىمدى قالاي دۇرىس ازىرلەۋ كەرەكتىگىن ايتادى.
